ពោធិ៍សាត់ : នាព្រឹកថ្ងៃចន្ទ ទី៣១ ខែឧសភា ឆ្នាំ២០២១ លោកនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងលោកស្រីឧកញ៉ាអគ្គមហាឧបាសិកាពុទ្ធសាសនូបត្ថម្ភ ម៉ៅ ម៉ាល័យ កែ គឹមយ៉ាន អញ្ជេីញចុះត្រួតពិនិត្យការសាងសង់សាលាឆាន់មួយខ្នងនិងវេរប្រគេនទេយ្យទាន ទេយ្យវត្ថុដល់ព្រះសង្ឃគង់នៅវត្តលលកស ស្ថិតនៅក្រុងពោធិសាត់ ខេត្តពោធិសាត់ ។

ក្នុងឱកាសនោះ នៃការចុះពិនិត្យការសាងសង់សាលាឆាន់នោះ លោកនាយឧត្តមសេនីយ៍ កែ គឹមយ៉ាន និងលោកស្រី បានថ្វាយនូវគ្រឿងសក្ករបូជា មានទៀន ធូប ផ្កាភ្ញី ដល់បារមីថែរក្សាវត្តលលកស សូមជួយប្រោះព្រំអភិបាលដល់ប្រជាពលរដ្ឋយេីងទាំងអស់សូមជួបតែសេចក្តីសុខគ្រប់ប្រការជៀសផុតពីបញ្ហាក្នុងគ្រប់គ្រួសារ មានគ្រឿងញៀននិងជំងឺរាតត្បាតកូវីដ-១៩ ជាដេីម។

លោកនាយឧត្តមសេនីយ៍ កែ គឹមយ៉ាន និងលោកជំទាវ មានសទ្ធាជ្រះថ្លាបានវេរប្រគេននូវទេយ្យទាន ទេយ្យវត្ថុ ដល់ពះសង្ឃដែលគង់នៅវត្តលលកស មានអង្គរ ទឹកសុទ្ធ ទឹកក្រូច ទឹកត្រី ទឹកស៊ីអ៊ីវ និងបច្ច័យបួន។

នៅថ្ងៃដដែលនេះលោកនាយឧត្តមសេនីយ៍ កែ គឹមយ៉ាន និងលោកស្រី បានបន្តដំណេីរទៅដាក់គ្រឿងសក្ការ:បូជាមានផ្កាភ្ញី ទៀន ធូប បួងសួងដល់បារមីលោកតាឃ្លាំង មឿង អ្នកម្នាងខៀវ និងដួងព្រលឹងមេទ័ពខ្មែរដ៏ខ្លាំងពូកែអង់អាចក្លាហានលះបង់ជីវិតបុព្វហេតុជាតិមាតុភូមិ សូមជួយប្រោះព្រំប្រសិទ្ធពរជ័យបវរមហាប្រសេីរសេចក្តីសុខគ្រប់ប្រការដល់ថ្នាក់ដឹកនាំនិងប្រជាពលរដ្ឋខែ្មរទាំងអស់រស់នៅដោយសុខសាន្ត ជៀសផុតនូវជំងឺដង្កាត់ផ្សេងៗ ពិសេសជំងឺរាតត្បាតកូវីដ-១៩៕